មិនធម្មតា ! ណាហ្គាវើលដ៍ បានបញ្ចប់កំណត់ត្រាមិនចាញ់របស់ក្រុមស្វាយរៀងកាលពីយប់មិញហើយ
គ្រាប់បាល់ជ័យជម្នះរបស់ក្រុមណាហ្គាវើលដ៍ កើតចេញពីការតែតបញ្ចូលទី១គ្រាប់របស់កីទ្បាករ ទ្បេង មករា នៅនាទី៦ ក្នុងតង់ទី១។ អ្នកចាំទីជើងចាស់ ស៊ូ យ៉ាទី ក៏បានជាប់ឈ្មោះជាកីទ្បាករល្អប្រចាំការប្រកួតខាងលើនេះផងដែរ។ លទ្ធផលនេះ បានធ្វើឱ្យក្រុមណាហ្គាវើលដ៍បញ្ឈប់ភាពមិនដែលចាញ់របស់ក្រុមព្រះខ័នរាជស្វាយរៀង នៅសប្តាហ៍ទី១២ នៃក្របខណ្ឌលីគកំពូលកម្ពុជា CPL នារដូវកាលនេះ។
ក្រោយពីទទួលជ័យជម្នះ ក្រុមណាហ្គាវើលដ៍មាន១៣ពិន្ទុស្មើជាមួយក្រុមលេខ៧ Tiffy Army FC នឹងប្រដេញតាមពីក្រោយក្រុមលេខ៦ ព្រៃវែង FC ១ពិន្ទុ និងក្រុមលេខ៥ បឹងកេត២ពិន្ទុ បន្ទាប់ពីក្រុមទាំងពីនេះប្រកួតស្មើគ្នា ២-២ នៅឯពហុកីទ្បដ្ឋានជាតិ។អាឡឺម៉ង់ឈ្នះ World Cup U17
ក្រុមបាល់ទាត់ណាហ្គាវើលដ៍ ជាក្រុមតែមួយគត់ដែលបានបញ្ចប់កំណត់ត្រាឈ្នះរបស់ក្រុមព្រះខ័នរាជស្វាយរៀង នៅក្នុងការប្រកួតសប្តាហ៍ទី១២ នៃក្របខណ្ឌលីគកំពូលកម្ពុជា Cambodia Premier League រដូវកាល២០២៣-២០២៤នេះ បន្ទាប់ពីយកឈ្នះ ១-០ នៅឯកីទ្បដ្ឋានខេត្តកំពង់ស្ពឺ កាលពីយប់មិញ។
គួរឱ្យដឹងថា បច្ចុប្បន្ន ក្រុមព្រះខ័នរាជស្វាយរៀង នៅតែបន្តឈរលើកំពូលតារាង នៃក្របខណ្ឌលីគកំពូលកម្ពុជា ដោយមាន៣១ពិន្ទុ ស្របពេលដែលក្រុមវិសាខា រំកិលខ្លួនទ្បើងមកលេខ២ មាន២៣ពិន្ទុ ស្មើគ្នាជាមួយក្រុមលេខ៣ ភ្នំពេញក្រោន ក្រោយប្រកួតស្មើគ្នា ១-១ ជាមួយនឹងក្រុមអាយអេសអាយ ដូចគ្នាកាលពីយប់មិញ។ នៅល្ងាចនេះ ក្រុមភ្នំពេញក្រោន ក៏ត្រូវប៉ះគ្នាជាមួយក្រុម Tiffy Army FC នៅឯកីទ្បដ្ឋានស្តាតចាស់ផងដែរ៕
