សាហាវណាស់! Haaland រកបាន 30 គ្រាប់លឿនបំផុតក្នុង UCL
Erling Haaland បានបំបែកកំណត់ត្រារកបាន 30 គ្រាប់នៅ UEFA Champions League លើសអ្នកកាន់កំណត់ត្រាចាស់ Ruud van Nistelrooy ។
អតីតខ្សែប្រយុទ្ធជម្រើសជាតិហូឡង់ រួមទាំងធ្លាប់នៅជាមួយ Manchester United និង Real Madrid គាត់គឺជាអ្នកកាន់កំណត់ត្រាមុនសម្រាប់កីឡាករលឿនបំផុតដែលអាចស៊ុតបញ្ចូលទីបាន 30 គ្រាប់ក្នុង UEFA Champions League ពីការបង្ហាញខ្លួនត្រឹមតែ 34 ប្រកួតប៉ុណ្ណោះ។
ទោះជាយ៉ាងណាក៏ដោយ កំណត់ត្រានោះត្រូវបានបំបែករួចហើយដោយ Erling Haaland ដែលបានស៊ុតបញ្ចូលទីបាន 5 គ្រាប់ក្នុងជ័យជម្នះ 7-0 របស់ Manchester City លើ RB Leipzig ក្នុងការប្រកួតជើងទី 2 វគ្គ 16 ក្រុមចុងក្រោយរបស់ពួកគេកាលពីយប់ថ្ងៃអង្គារ។ នោះបានធ្វើឲ្យខ្សែប្រយុទ្ធជម្រើសជាតិន័រវេសរកបាន៣០គ្រាប់ក្នុងការបង្ហាញខ្លួនតែ២៥លើកប៉ុណ្ណោះ។
Haaland ក៏ក្លាយជាកីឡាករក្មេងបំផុតដែលអាចរកបាន 30 គ្រាប់ក្នុងការប្រកួតនេះ។ ត្រឹមតែ 22 ឆ្នាំ 236 ថ្ងៃ គាត់បានលើសកំណត់ត្រាពីមុនដែលកាន់ដោយ Kylian Mbappe ដែលបានកំណត់គាត់នៅអាយុ 22 ឆ្នាំ 352 ថ្ងៃ។Ramos
